މެޓް އޮފީހުން ބުނީ މިއަދު ސްކޫލް ޗުއްޓީ ފަށާއިރު ކުރިއަށް އޮތް ދުވަސްތަކުގައި ރާއްޖޭގެ އަތޮޅުތަކަށް ވިއްސާރަ ކުރާނެ ކަމަށެވެ.
މެޓް އޮފީހުގެ އޮފިޝަލަކު ވިދާޅުވީ މިއަދު މެންދުރުގެ ނިޔަލަށް ވެރިރަށް މާލެއަށް ބޯކޮށް ވާރޭވެހި ވައިގަދަވާނެ ކަމަށެވެ. އޭގެ ފަހުން ވައިގަދަވެ ކަނޑުތައް މަޑުވާނެ ކަމަށް ލަފާކުރެވެ އެވެ.
މިއަދު މެންދުރުގެ ނިޔަލަށް ހއ.އަލިފުން ފެށިގެން ތ.އަތޮޅާހަމައަށް ވައިޓް އެލާޓް ނެރެފިއެވެ. އަދި ވިލާގަނޑުގައި ގަޑިއަކު 14 މޭލާއި 23 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައިގަދަވުން އެކަށީގެންވާ ކަމަށްވެސް މެޓް އޮފީހުން ބުނެއެވެ.
އޮފިޝަލް ވިދާޅުވީ ކުރިއަށް އޮތް ހަފުތާގައި ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށް ލަފާކުރެވޭ ކަމަށެވެ. ރެކޯޑްތަކުން ދައްކާ ގޮތުގައި މިވަގުތު އެންމެ ގަދައަށް ވާރޭ ވެހެނީ އުތުރުގެ އަތޮޅުތަކަށެވެ.