ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި އެމަނިކުފާނުގެ އަނބިކަނބަލުން ސާޖިދާ މުހައްމަދު ހެލްތު ޗެކަޕަކަށް ސިންގަޕޫރަށް ވަޑައިގެންފި އެވެ.
ރައީސް މުއިއްޒު ސިންގަޕޫރަށް ފުރާވަޑައިގެންނެވީ ޕީއެންސީން ބޭއްވި ޖަލްސާގައި ބައިވެރިވެވަޑައިގަތުމަށްފަހު ރޭގައެވެ. އެ ޖަލްސާގައި ރައީސް ވިދާޅުވި ގޮތުގައި:
– ސިންގަޕޫރަށް ވަޑައިގަންނަވަނީ އާރަށުގައި ފުޓްބޯޅަ ކުޅުއްވަނިކޮށް ލިބުނު އަނިޔާއާ ގުޅިގެން ”ސެކަންޑް އޮޕީނިއަން“ އެއް ހޯއްދެވުމަށް
– މީގެ ކުރިން ކުރެއްވި ސާޖަރީއެއްގެ ޗެކަޕަކަށްވެސް ވަޑައިގަންނަވަނީ
އާރަށުގައި ފުޓްބޯޅަ ކުޅުއްވަނިކޮށް ލިބުނު އަނިޔާއަކާ ގުޅިގެން ރައީސް މުއިއްޒު ވަނީ ކުރިން އައިޖީއެމްއެޗް އިން ފަރުވާ ހޯއްދަވާފައެވެ.
ރައީސްގެ ސިއްހީ ހާލަތާ ގުޅުވައި ސޯޝަލް މީޑިއާގައި ފަތުރާ ވާހަކަތައް އެމަނިކުފާނު ރޭ ވަނީ ދޮގުކުރައްވާފައެވެ.