ރާއްޖެއަށް މިހާރު ކުރަމުންދާ ވިއްސާރައިގައި ކުރިއަށް އޮތް ތިން ދުވަހު މަހެއްހާ ދުވަހުގެ ވާރޭ މާލެއަށް ވެހިދާނެ ކަމަށް އަލް ޖަޒީރާގެ މޫސުމީ ރިޕޯޓަކުން ލަފާކޮށްފިއެވެ.
އަލް ޖަޒީރާގެ މޫސުމީ ރިޕޯޓުގައި ބުނެފައިވަނީ ކުރިއަށް އޮތް 72 ގަޑިއިރުގެ ތެރޭގައި މަހެއްހާ ދުވަހުގެ ވާރޭ މާލެއަށް ވެހޭނެ ކަމަށެވެ. އަދި ރާއްޖޭގެ އުތުރާއި މާލެއަށް ވަރަށް ބޮޑަށް ވިއްސާރަ ކުރާނެ ކަމަށްވެސް ލަފާކޮށްފައިވެއެވެ.
ނަމަވެސް މޯލްޑިވްސް މީޓިއޮރޮލޮޖިކަލް ސަރވިސް (މެޓް އޮފީސް) އިން މިއަދު ބުނެފައިވަނީ އަލް ޖަޒީރާއިން ލަފާކުރާ ފަދަ އާދަޔާ ޚިލާފު ކަމެއް އަދި ފާހަގަވެފައި ނެތް ކަމަށެވެ.
މެޓް އޮފީހުގެ އޮފިޝަލަކު ވިދާޅުވީ ”ރާއްޖޭގައި ވާ ގޮތަކީ އެކި މަސްތަކުގައި ވާރޭ ވެހޭ މިންވަރު އެބަ ތަފާތުވޭ. ހުޅަނގުގައި މިސާލަކަށް މެއި މަހު 500-600 މިލިމީޓަރުގެ ވާރޭ ވެހިދާނެ. ތަންކޮޅެއް ’ޑްރައި‘ މަސްތަކުގައި، ޖެނުއަރީ ނޫނީ ފެބްރުއަރީގައި 100 މިލިމީޓަރަށް ވެސް ވެހިދާނެ“ ކަމަށެވެ.
އޭނާ އިތުރަށް ވިދާޅުވީ މިއަދުވެސް ރާއްޖޭގެ ބައެއް ސަރަހައްދުތަކަށް 60 މިލިމީޓަރު ނުވަތަ އެއަށްވުރެ ގިނަ މިންވަރަށް ވާރޭ ވެހިފައިވާ ކަމަށާއި، އެއީ އާދަޔާ ޚިލާފު މިންވަރެއް ނޫން ކަމަށެވެ.
މެޓް އޮފީހުން ލަފާކުރާ ގޮތުގައި ކުރިއަށް އޮތް ތިން ދުވަހު މުޅި ރާއްޖެއަށްވެސް ވަރަށް ބޯކޮށް ވިއްސާރަވާނެއެވެ. އަދި އޭގެ ފަހުން ކޮންމެވެސް ވަރަކަށް މޫސުން ރަނގަޅުވި ނަމަވެސް ވިއްސާރަ ކޮށްފާނެ ކަމަށް ލަފާކުރެވެއެވެ.
މެޓް އޮފީހުން މީގެ ކުރިން ވަނީ މި ހަފްތާގައި ރާއްޖެއަށް މޫސުން ގޯސްވާނެ ކަމަށް ލަފާކޮށް އިންޒާރު ދީފައެވެ. އަދި ކުރިއަށް އޮތް ފަސް ދުވަހު މުޅި ރާއްޖެއަށް ވެސް ވަރަށް ވިއްސާރަ ކުރާނެ ކަމަށް ލަފާކޮށްފައިވެއެ