އެސިސްޓެންޓް ކޮމިޝަނާ އޮފް ޕޮލިސް (އޭސީޕީ)ގެ މަގާމަށް ޗީފް ސުޕްރިންޓެންޑެންޓް އޮފް ޕޮލިސް މުހައްމަދު ދާއޫދު އިއްޔެ ޕްރޮމޯޓްކޮށްފި އެވެ.
އެމަނިކުފާނަށް މަގާމުގެ ފަތްކޮޅު ހަވާލުކޮށްދެއްވީ މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ ޢަލީ އިހުސާންއެވެ.
އޭސީޕީ އަކީ އިދާރީ ގޮތުން ޕްރޮމޯޝަން ދެވޭ އެންމެ މަތީ ރޭންކެވެ. ޑެޕިއުޓީ ޕޮލިސް ކޮމިޝަނަރާއި ޕޮލިސް ކޮމިޝަނަރަކީ ރައީސް އައްޔަންކުރައްވާ ދެ މަގާމެވެ.
ދާއޫދަކީ މިހާރު ހުޅުމާލެ ފޮލިސް ސްޓޭޝަންގެ ހެޑެވެ. އޭނާ މީގެ ކުރިން ފުލުހުންގެ ހެޑް އޮފް ރޯޑް ޕޮލިސްގެ މަގާމާއި ޑިޓެކްޓިވް އިންވެސްޓިގޭޝަން އޮފިސަރުގެ މަގާމުގެ އިތުރުން ޑްރަގް އެންފޯސް ޑިޕާޓްމެންޓް (ޑީއީޑީ)ގެ ޑެޕިއުޓީ ހެޑުގެ މަގާމު ވެސް އަދާކުރެއްވި އެވެ.
އަދި 2021 ވަނަ އަހަރު އިބްރާހިމް މުހައްމަދު ސޯލިހްގެ ކުރީގެ ސަރުކާރުގައި އެ އިދާރާ އިސްލާހު ކުރުމަށް ފުލުހުންގެ ބޯޑުން ވަކިކުރި އޮފިސަރުންގެ ލިސްޓުގައި ވެސް އޭނާ ހިމެނިވަޑައިގަންނަވަ އެވެ.
އޭރުގެ ހޯމް މިނިސްޓަރު އިމްރާން އަބްދުالله ސޮއިކުރައްވާ ފޮނުއްވި ނޯޓިސް ސިޓީގައި ވަނީ މަގާމުން ވަކިކުރި ސަބަބެއް ކަމަށް ބުނެފައި ވަނީ އެ މުއައްސަސާގެ އާ ހިންގުމުގެ އޮނިގަނޑުގެ ދަށުން ފުލުހުންގެ ބޯޑުން ތަހުގީގު ކުރި މައްސަލައަކާ ގުޅިގެންނެވެ.
ދާއޫދު ސިވިލް ކޯޓަށް މައްސަލަ ހުށަހެޅުއްވީ އެ ބޭފުޅުންގެ މެނޭޖްރިއަލް ރޭންކުން ދޫކޮށްލި އިތުރު ފަސް އޮފިސަރަކާ އެކު އެވެ.
ސިވިލް ކޯޓުން އޭރު އެ ބޭފުޅުންގެ ހައްގުގައި ހުކުމް ކުރީ އެ ދެ ބޭފުޅުން މަގާމުން ވަކިކުރުން ބާތިލް ކުރަން ނިންމައިގެންނެވެ. އެ ހަ އޮފިސަރުން ހައިކޯޓުގައި ކުރިން ހުންނެވި މަގާމުތަކަށް އަލުން އައްޔަން ކުރުމަށް ދައުލަތުން އޭރު ވަނީ އެ ހުކުމް އިސްތިއުނާފުކޮށްފަ އެވެ.