ޗައިނާގެ ރިސާރޗް މަނަވަރު ޒިއަންގ ޔަންގ ހޮންގ 3 އަނެއްކާވެސް ރާއްޖޭގެ ކަނޑުގެ ސަރަހައްދަށް ދަތުރުކުރަމުންދާކަމަށް އިންޑިޔާގެ ބިޒިނަސް ޓުޑޭއިން ރިޕޯޓްކޮށްފިއެވެ. އަދި މިއަދު (19 ޖުލައި ) ހުކުރުދުވަހު އިންޑިޔާ ކަނޑުގެ ސަރަހައްދަށް ވަންނާނެ ކަމަށާއި އަންނަ ހޯމަ ދުވަހު ރާއްޖޭގެ ކަނޑުގެ ސަރަހައްދަށް ވަދެވޭނެ ކަމަށްވެސް ލިޔެފައިވެއެވެ. މީގެ ކުރިންވެސް މި މަނަވަރު ވަނީ ރާއްޖޭގެ ސަރަހައްދަށް ވަނުމުގެ ސަބަބުން އިންޑިޔާއިން ކަންބޮޑުވުން ފާޅު ކޮށްފައެވެ.
މި މަނަވަރު ރާއްޖެއަށް ދަތުރު ކުރަމުންދަނީ ރާއްޖެ ބޭނުން ވެއްޖެ ހިނދެއްގައި އެހީތެރިކަން ފޯރުކޮށްދޭނެ ކަމަށް އިންޑިޔާސަފީރު މިމަހުގެ 10 ގައި ވިދާޅުވެފައި ވަނިކޮށްނެވެ. މިކަމާއި ގުޅޭ ތަފްޞީލް ”ކިޔާލާ“ ނޫހުގައި ރިޕޯޓް ކޮށްފައިވަނީ ޗައިނާއަށް ޑރ މުއިއްޒު ކުރެއްވި ދަތުރުފުޅަށް އިސާރާތްކޮށެވެ.