ޓްރީ ޓޮޕް ހޮސްޕިޓަލުން ފޯރުކޮށްދޭ ހެލްތް ސްކްރީނިންގ ޕެކޭޖްތަކަށް 20 ޕަސެންޓް ޑިސްކައުންޓް ލިބޭ ”ވެލްނަސް ޕްރޮމޯޝަން“ އެއް ފަށައިފިއެވެ. މި ޕްރޮމޯޝަން ކުރިއަށްދާނީ މިއަދުން ފެށިގެން މި މަހުގެ 30 ވަނަ ދުވަހުގެ ނިޔަލަށެވެ.
ޓްރީ ޓޮޕް ހޮސްޕިޓަލުން ހިންގާ ވެލްނަސް ޕެކޭޖްތަކުގެ ތެރޭގައި އަންހެނުންނާއި ފިރިހެނުންނަށް ޚާއްޞަ ޕެކޭޖްތަކާއި، ކުޑަކުދިންނަށް ޚާއްޞަ މެޑިކަލް ޗެކްއަޕްތައް ހިމެނެއެވެ. މީގެ އިތުރުން ހިތުގެ ބަލިތަކާއި، ފުއްޕާމޭގެ ސިއްޙަތު، އަދި ތެލެސީމިއާ ފަދަ ޚާއްޞަ ބަލިތަކަށް އަމާޒުކޮށްފައިވާ ސްކްރީނިންގ ޕެކޭޖްތައްވެސް ހިމެނެއެވެ.
ޓްރީ ޓޮޕް ހޮސްޕިޓަލުގެ ސީއީއޯ ޑރ. ސްރިވަތްސަން ސްރިދަ ޖީ ވިދާޅުވީ މި ޕްރޮމޯޝަނަކީ ކަސްޓަމަރުންގެ މުސްތަޤްބަލަށް ކުރެވޭ އިންވެސްޓްމަންޓެއް ކަމަށާއި، ސިއްޙީ ހާލަތު ޗެކްކުރުމަށާއި ބެލެހެއްޓުމަށް ލިބޭ ރަނގަޅު ފުރުޞަތެއް ކަމަށެވެ.
ޓްރީ ޓޮޕް ހޮސްޕިޓަލުން ބުނީ މި ޕެކޭޖްތަކުގެ ބޭނުމަކީ ދުޅަހެޔޮ ސިއްޙަތެއްގައި ތިބުމަށް އެހީތެރިވެދީ، އަވަހަށް ބަލި ދެނެގަތުމާއި ފަރުވާ ހޯދުމަށް މަގުފަހިކުރުން ކަމަށެވެ. އަދި މި ހޮސްޕިޓަލުގެ މައިގަނޑު އަމާޒަކީ އައު ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ސިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ސިއްޙީ ޚިދުމަތުގެ ޚަރަދުތައް ކުޑަކުރުން ކަމަށް ވިދާޅުވިއެވެ.
މި ޕްރޮމޯޝަނާ ގުޅޭ އިތުރު މަޢުލޫމާތު ހޯއްދެވުމަށް ޓްރީ ޓޮޕް ހޮސްޕިޓަލާ ގުޅުއްވުމަށް އެ ހޮސްޕިޓަލުން އެދިވަޑައިގެންފައިވެއެވެ.