ގދ. ގައްދޫ ކައުންސިލުން ވަނީ ފަހަކަށް އައިސް އާންމުވަމުން އަންނަ ކަމެއްގެ ގޮތުގައި ފާހަގަކުރެވޭ، ބުޅާ މަރަން ވިހަ ބޭނުންކުރުން ހުއްޓާލުމަށް ރަށުގެ ރައްޔިތުންނަށް ގޮވާލައިފައެވެ.
ސަރުކާރުގެ ގެޒެޓުގައި ކައުންސިލުން ޝާއިޢުކޮށްފައިވާ އިޢުލާނެއްގައި ބުނެފައިވަނީ، ރަށުގައި ބުޅާ މަރަން ވިހަ ބޭނުންކުރާ ޓްރެންޑެއް ފާހަގަކުރެވިފައިވާ ކަމަށެވެ. މިގޮތުން ވޭތުވެދިޔަ ހަފްތާގެ ތެރޭގައި ރަށުގެ ގޮނޑުދޮށު މަގުމަތިން މަރުވެފައިވާ ބުޅަލާއި، އެ މަރުވެފައިވާ ބުޅަލަށް އަރާފައިވާ ކާކާ ފެނިފައިވާ ކަމަށް ކައުންސިލުން ބުނެފައިވެއެވެ.
މީގެ އިތުރުން، މި ކަމާ ގުޅިގެން ދިމާވާ ދަތިތަކުގެ ޝަކުވާ އާންމުންގެ ފަރާތުން ލިބެމުންދާ ކަމަށްވެސް ކައުންސިލުން ބުނެފައިވެއެވެ.
ކައުންސިލުން ބުނެފައިވަނީ މިހާރު މޫސުން ވާރޭވެހޭ ގޮތަށް ހުރުމާއެކު، މިފަދަ ޢަމަލުތައް ކުރިއަށް ގެންދާނަމަ ބަލިމަޑުކަން ފެތުރުމުގެ ނުރައްކާ އޮތް ކަމަށެވެ. އަދި މިއީ އަމިއްލަ ޒިންމާއެއްގެ ގޮތުގައި ދެކި، ބުޅާ މަރަން ވިހަ ބޭނުންކުރުމުން ދުރުހެލިވުމަށް އާންމުންނަށް ގޮވާލައިފައިވެއެވެ.
ނޫސްވެރިޔާ