ސައުދީގެ ތެޔޮކުންފުނި އަރަމްކޯގެ ސީއީއޯ ހޯމަ ދުވަހު ބޭއްވި ހަކަތައާއި ބެހޭ ކޮންފަރެންސެއްގައި ވިދާޅުވީ ހަމަނުޖެހުންތަކުގެ ވަގުތުތަކުގައި ތެލާއި ގޭހުގެ މުހިންމުކަން ކުޑަކޮށް ނުބެލެވޭނެ ކަމަށާއި މިކަން މިހާރު ސާފުކޮށް ފެންނަ ކަމަށެވެ.
މިކަން ހާމަކޮށްފައިވަނީ އޭޝިއާ އެނާޖީ ކޮންފަރެންސްގައި އަރަމްކޯގެ ސީއީއޯ އަމީން ނާސިރު ވީޑިއޯ ލިންކް މެދުވެރިކޮށް ދެއްކެވި ތަގުރީރެއްގައެވެ.
ހަފްތާ ބަންދުގައި ތެލުގެ އަގު އުފުލިގެންދިޔައީ ހުކުރު ދުވަހުގެ ހެނދުނުގެ ވަގުތެއްގައި އިސްރާއީލުން އީރާނަށް ހަމަލާ ދިނުމާއި އެކުއެވެ. މިހަމަލާ ދީފައިވަނީ ތެހެރާނުން ނިއުކްލިއާ ހަތިޔާރެއް އުފެއްދުމަށް މަސައްކަތް ކުރާކަމަށް ބުނެ އެކަމަށް ހުރަސް އެޅުމުގެ މަގުސަދުގައި ކަމަށް ބުނެ އެވެ.
އަލްނަޞްރު ވިދާޅުވީ، ހަމަނުޖެހުންތައް އުފެދުމުން، ތެލާއި ގޭހުގެ މުހިއްމުކަން ކުޑަކޮށް ނުބެލޭނެކަން ތާރީޚުން ސާބިތުވެފައިވާ ކަމަށެވެ.
އޭނާ އިތުރަށް ވިދާޅުވީ، އިސްރާއީލާއި އީރާނާ ދެމެދު ހިނގަމުންދާ ހަމަނުޖެހުންތަކަށް ސާފުކޮށް އިޝާރާތް ނުކޮށް، ތެލުގެ ބާޒާރަށް ކުރިމަތިވެފައިވާ ނުރައްކާތައް ދުނިޔޭގެ ކަންބޮޑުވުމެއްގެ ގޮތުގައި ދެމިއޮތުމުން މިވަގުތު މިކަން ފާހަގަކުރެވޭ ކަމަށެވެ.
އޭނާ އިތުރަށް ވިދާޅުވީ ތަޖުރިބާއިން ސާބިތުވެފައިވާ ގޮތުގައި ހަކަތަ އުފައްދާ ވަސީލަތްތަކަކީ ކުރީގެ ވަސީލަތްތަކުގެ ބަދަލުގައި ލިބޭ ވަސީލަތްތަކެއް ނޫން ކަމަށާއި އެއީ އެ ވަސީލަތްތައް ފުރިހަމަކުރާ އެއްޗެއް ކަމަށެވެ. އޭނާ ވިދާޅުވީ ނެޓް ޒީރޯ އެމިޝަންސް އަށް ބަދަލުވުމުގައި 200 ޓްރިލިއަން ޑޮލަރާއި ހަމައަށް ޚަރަދުވެދާނެ ކަމަށާއި، އިއާދަކުރަނިވި ހަކަތަ އުފައްދާ ވަސީލަތްތަކުން މިހާރުގެ ޑިމާންޑްތައް ފުއްދައި ނުދެވޭ ކަމަށެވެ.
ނަތީޖާއެއްގެ ގޮތުން ހަކަތަ ރައްކާތެރިކަމާއި އަގުހެޔޮކަން އެންމެ ފަހުން ދެމެހެއްޓެނިވި ގޮތެއްގައި ޓްރާންސިޝަންގެ މުހިންމު ލަނޑުދަނޑިތަކެއްގެ ގޮތުގައި ގުޅިއްޖެ ކަމަށް އޭނާ ވިދާޅުވި އެވެ.
އަރަމްކޯ އަކީ ސައުދީ އަރަބިއްޔާގެ އިގްތިސާދީ ބުރަކަށި ކަމަށާއި، ތެޔޮ އެކްސްޕޯޓް ކުރުމުން ލިބޭ އާމްދަނީއަކީ ރަސްކަމުގެ އެންމެ ބޮޑު އާމްދަނީއެއް ކަމަށާއި، ވިޝަން 2030 ގެ ދަށުން އެގައުމުގެ އިގްތިސާދު ތަފާތު ކުރުމަށް ކުރާ ބޮޑު މަސައްކަތަށް ފައިސާ ހޭދަކުރަން ޖެހިފައިވާ ކަމަށެވެ.
ނޫސްވެރިޔާ