އެންވަޔަރަންމަންޓް މިނިސްޓްރީގެ ޑެޕިއުޓީ މިނިސްޓަރު މުޙައްމަދު ރާގިބު އަޙްމަދު، ރައީސުލްޖުމްހޫރިއްޔާގެ އޮފީހަށް ރައްދުވާ ގޮތަށް ދިވެހިރާއްޖޭގެ ހައިކޯޓަށް ދުސްތޫރީ މައްސަލައެއް ހުށަހަޅުއްވައިފިއެވެ.
ކުރީގައި ގާޟީކަން ވެސް ކުރައްވާފައިވާ ރާގިބު މި މައްސަލަ ހުށަހަޅުއްވާފައިވަނީ، ރައީސުލްޖުމްހޫރިއްޔާ އައްޔަންކުރައްވާ ސިޔާސީ މަޤާމުތަކުގައި ތިއްބަވާ ބޭފުޅުންނަށް ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ހައިކޯޓުން ނިންމެވި ނިންމެވުމަކާ ގުޅިގެންނެވެ.
ހައިކޯޓުން މިފަދައިން ނިންމެވީ، ކުޑަކުއްޖަކާއެކު ޖިންސީ ޢަމަލެއް ހިންގިކަމުގެ ކުށް ސާބިތުވެފައިވާ މީހެއްގެ ދިފާޢުގައި ވަކީލެއްގެ ގޮތުގައި ރާގިބު ކޯޓަށް ޙާޟިރުވެވަޑައިގެންނެވި މައްސަލައެއްގައެވެ.
މި މައްސަލައާ ގުޅޭ އިތުރު ތަފްސީލެއް ހައިކޯޓުން މިހާތަނަށް ހާމަކުރައްވާފައެއް ނުވެއެވެ.