ގދ. ތިނަދޫގައި ސަރުކާރުން އަޅާފައިވާ 200 ފްލެޓަށް ކުރިމަތިލުމުގެ ފުރުސަތު އަންނަ އާދިއްތަ ދުވަހު ހުޅުވާލާނެ ކަމަށް ތިނަދޫ ސިޓީ ކައުންސިލުން ބުނެފިއެވެ.
ތިނަދޫ ސިޓީ ކައުންސިލުން އާންމުކުރި އިއުލާނެއްގައި ބުނެފައިވަނީ ތިނަދޫ ސިޓީއަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށް އިމާރާތްކޮށްފައިވާ 200 ހައުސިން ޔުނިޓަށް ކުރިމަތިލުމުގެ ފުރުސަތު ސެޕްޓެމްބަރު މަހުގެ އެއްވަނަ ދުވަހުން ފެށިގެން ލިބޭނެ ކަމަށެވެ.
ކައުންސިލުން މަޢުލޫމާތު ދީފައިވާ ގޮތުގައި މި ފްލެޓުތަކަކީ އެ ރަށުގެ ރައްޔިތުންނާއި އެ ރަށަށް ހިޖުރަކުރަން ބޭނުންވާ މީހުންނަށް ހާއްސަކޮށްގެން އަޅާފައިވާ ފްލެޓްތަކެކެވެ.
ފްލެޓަށް ކުރިމަތިލާން ބޭނުންވާ ފަރާތްތަކަށް ޕޯޓަލް މެދުވެރިކޮށް ކަމާ ގުޅޭ ފޯމް ހުށަހެޅޭނެ ކަމަށްވެސް އިއުލާނުގައި ބަޔާންކޮށްފައިވެއެވެ.
ބޯހިޔާވަހިކަމުގެ މައްސަލަ ބޮޑުވެފައިވާ ތިނަދޫގައި މި މަޝްރޫއު ފަށާފައިވަނީ 2022 ވަނަ އަހަރުއެވެ. މި މަޝްރޫއަށް 253 މިލިއަން ރުފިޔާ ހަރަދުވެފައިވާ ކަމަށް ވެސް މަޢުލޫމާތު ލިބިފައިވެއެވެ.
މި ފްލެޓް މަޝްރޫއަކީ ތިނަދޫގެ ގިނަ ރައްޔިތުންތަކެއް އިންތިޒާރުކުރަމުންދާ މަޝްރޫއެއް ކަމަށްވުމާއެކު، ފްލެޓަށް އެދި ހުށަހަޅާ ފަރާތްތަކުގެ އަދަދު އިތުރުވާނެ ކަމަށް ބެލެވެއެވެ.