ބިދޭސީންގެ ފީތައް ނުލިބޭނަމަ ސަސްޕެންޑް ކުރާނެ

ރާއްޖޭގައި މަސައްކަތްކުރާ ބިދޭސީންނާ ގުޅޭ އެކި ކަހަލަ ފީތަކާއި ޖޫރިމަނާތަކުން ދައުލަތަށް ލިބެންޖެހޭ ފައިސާގެ އަދަދު އެއް ބިލިއަން ރުފިޔާ އަށް ވުރެ މަތި ކަމަށާއި އެ ފައިސާ މިމަހުގެ (ޖުލައި) 18 ގެ ކުރިން ނުދައްކައިފި ނަމަ ހަރުކަށި ފިޔަވަޅުތަކެއް އަޅާނެ ކަމަށް ހޯމް މިނިސްޓްރީން 4 ޖޫން 2024 .ގައި ވަނީ ބުނެފައެވެ.  މީގެ މާނަ އަކީ ޖުލައި 18 ގެ ކުރިން ބީދޭންސީންނަށް ދައްކަން ޖެހޭ ފީ ހުންނަންވާނީ ދައްކާ އަޕްޓޭޑް ކުރެވިފައިކަމެވެ.

މަހުންމަހަށް ދައްކަން ޖެހޭ ވިސާފީ ނުދައްކާ ވާނަމަ ސްޓޭޓް ބޭންކް އޮފް އިންޑިޔާ މެދުވެރިކޮށް ބިދޭސީ މަސައްކަތްތެރިންގެ ފައިސާ ނުފޮނުވޭ ގޮތަށް ޢަމަލު ކުރަމުން އަންނަތާ ދުވަސްކޮޅެއް ވެއްޖެއެވެ. 

މަސައްކަތް ކުރުވާ ކުންފުނި ތަކުން މިކަމަށް ސަމާލުކަން ނުދީފިނަމަ ، ސަރުކާރުގެ ފިއްތުންތަކާއި ކުރިމަތިލާންޖެހިދާނެ ކަމުގެ އިންޒާރު ގެ ގޮތުގައި އާއްމުކޮށްފައިވާގޮތުގައިވަނީ، އެ ފީތަކާއި ޖޫރިމަނާތައް ނުދައްކާ މީހުންގެ ނަންތައް އާންމުކޮށް އިއުލާންކޮށް، އެކްސްޕެޓް ސިސްޓަމް މެދުވެރިކޮށް އެ މީހުން ސަސްޕެންޑް ކުރުމުގެ އިތުރުން ބިދޭސީންނާ ގުޅޭ އާ ހުއްދަތައް އެ މީހުންނަށް ދޫކުރުން މެދުކަނޑާލާނެ ކަމަށް ހޯމް މިނިސްޓްރީން ބުނެފައެވެ. 

ބިދޭސީ އެންމެ ގިނައަދަދަކަށް މަސައްކަތް ކުރާ އެއް ދާއިރާއަކީ ކޮންސްޓްރަކްޝަން ދާއިރާއަށް ވެފައި ، އެދާއިރާގެ ގިނަ ކުންފުނިތަކަކަށް ސަރުކާރުގެ އެކި މުއައްސަސާތަކުން ލިބެންޖެހޭ ފައިސާ ނުލިބި ، ކޮންސްޓްރަކްޝަން އިންޑަސްޓްރީ އެއްކޮށްހެން ބަނގުރޫޓުވަމުންދާ މިދަނޑިވަޅުގައި ސަރުކާރުން އެފައިސާ ނުލިބި ، މުއައްޒަފުންނަށް މުސާރަ ނުދެވި ތިބި ހާލަތެއްގައި އަނެއްކާ ހުރިހާ ފީތަކެއް ދައްކާނެ ގޮތަކާއި މެދު ސުވާލު އުފެދޭކަމުގައި  ކޮންސްޓްރަކްޝަން ދާއިރާގައި މަސައްކަތްކުރާ ފަރާތަކުން ”ނޫސްވެރިޔާ“ އަށް ކިޔައިދިނެވެ. ފުރަތަމަ ސަރުކާރުން އާއްމު ރައްޔިތުންނަށް ދޭންޖެހޭ ފައިސާ ދޭނެ ގޮތެއް ހަދަންވީނޫންތޯ؟ ދެން އޭގެ ފަހުން ސަރުކާރުން އަހަރެމެންގެ ފީތައް ހޯދަންވީނުންތޯ؟  ފައިސާ ނުލިބި އުޅޭ ކޮންޓްރެކްޓަރެއް ނޫސްވެރިޔާ އަށް އޭނާގެ ޝުޢޫރު ފާޅުކުރަމުން ބުންޏެވެ.

ބިދޭސީންގެ ފައިސާ އާއި ޖޫރިމަނާ ނުދައްކާ ތިބި ފަރާތްތަކުން އެ ކަމާ ގުޅޭ އިތުރު މައުލޫމާތު ސާފުކުރަން ބޭނުން ނަމަ 1500 އަށް ގުޅުމަށް ވެސް ހޯމްމިނިސްޓްރީ އިން އެދިފައިވެއެވެ.  އަދި xpat@1500help.mv އަށް އީމެއިލް ކުރުމުން ވެސް މައުލޫމާތު ސާފުވާނެ ކަމަށް ހާމަކޮށްފައިވެއެވެ.