އިންޑިއާގެ ހަރިޔާނާ ސްޓޭޓްގައި ސަރުކާރު އޮފީސްތައް ސާފުކުރުމުގެ ވަޒީފާތަކަށް 120،000 މީހުން ކުރިމަތިލާފައިވާއިރު، އޭގެތެރެއިން ބައިލައްްކައަށްވުރެ ގިނައީ ޑިގްރީ ފެންވަރުގެ މީހުންކަން ފާހަގަކުރެވިއްޖެއެވެ. މީގެ ތެރޭގައި 46،000 އަށްވުރެ ގިނައީ ޕޯސްޓްގްރެޖުއޭޓުންނެވެ.
މި ވަޒީފާގެ މުސާރައަކީ މަހަކު 15،000 ރުޕީސް ކަމަށް އޮފިޝަލަކު ބުނެފައިވެއެވެ. ގިނަ ތަޢުލީމީ މީހުން މި ވަޒީފާއަށް ކުރިމަތިލީ އޮޅުމަކުން ނޫންކަމަށާއި، ވަޒީފާގެ ތަފްސީލު އިޢުލާނުގައި ހިމަނާފައިވާނެކަމަށް އެ އޮފިޝަލް ވިދާޅުވިއެވެ.
މި ހާދިސާއިން އިންޑިއާގައި ވަޒީފާ ނުލިބުމުގެ މައްސަލަ ބޮޑުވަމުންދާކަން ފާހަގަކުރެވެއެވެ. ބައެއް ފަރާތްތަކުން ބުނެފައިވަނީ އެހެން ގޮތެއް ނެތިގެން މި ވަޒީފާއަށް ކުރިމަތިލީކަމަށެވެ.