ޑައިބެޓިކް ސުގަ ނުވަތަ ހަކުރު ގެ ބަދަލުގައި ހުންނަ ސްވީޓްނަ ބޭނުން ނުކުރުމަށް ޑަބްލިއު އެޗް އޯ ލަފާދީފި

ވޯލްޑް ހެލްތް އޯގަނައިޒޭޝަނުން ދޫކޮށްފައިވާ އައު އިރުޝާދުގެ ދަށުން، ހަށިގަނޑުގެ ބަރުދަން ލުއިކުރަން މަސައްކަތްކުރާނަމަ ހަކުރުގެ ބަދަލުގައި ބޭނުންކުރާ ހަކުރު ނުހިމެނޭ ސްވީޓްނަރ ފަދަތަކެތި ބޭނުން ނުކުރުމަށް އަންގައިފައިވެއެވެ.
ދުނިޔޭގެ ސިއްހީ ޖަމްއިއްޔާއިން ބުނެފައިވަނީ، ލިބެން ހުރި ހެކިތަކުގެ ސިސްޓަމެޓިކް ރިވިއުއަކުން ދައްކާގޮތުގައި ހަކުރުނޫން މީރުކުރާ ތަކެތި ނުވަތަ އެން.އެސް.އެސް ބޭނުންކުރުމުން ”މީހުންގެ ނުވަތަ ކުޑަކުދިންގެ ހަށިގަނޑުގެ މޭދާ ދިގު މުއްދަތަކަށް މަދުކުރުމަށް އެއްވެސް ފައިދާއެއް ނުކުރެއެވެ.“  ”ހަކުރުގެ ބަދަލުގައި ހަކުރު ނުހިމެނޭ ސްވީޓްނަރ ފަދަތަކެތި ބޭނުންކުރުމުން މީހުންނަށް ދިގު މުއްދަތަކަށް ބަރުދަން ކޮންޓްރޯލްކުރުމަކަށް އެހީއެއް ނުވެއެވެ،“ ޑަބްލިއު.އެޗް.އޯގެ ނިއުޓްރިޝަން އެންޑް ފުޑް ސޭފްޓީ ޑިޕާޓްމަންޓްގެ ޑިރެކްޓަރ ފްރަންޗެސްކޯ ބްރަންކާ ވިދާޅުވިއެވެ. ”އަޅުގަނޑުމެންނަށް ކުރު މުއްދަތެއްގައި ބަރުދަން ކުޑަކޮށް މަދުވާތަން ފެނުނު ނަމަވެސް، އެކަން ދެމެހެއްޓޭނެ ކަމެއް ނޫނެވެ.“
މި އިރުޝާދު ހުރިހާ މީހުންނަށް ރައްދުވާ ގޮތަށް އޮތް ނަމަވެސް، ކުރިން ހުރި ހަކުރުބަލީގެ މީހުންނަށް ނުހިމެނެއެވެ. މިހެން ވާން ޖެހުނު ސަބަބަކީ ރިވިއުގައި ހިމެނުނު އެއްވެސް ދިރާސާއެއްގައި ހަކުރުބަލީގެ މީހުން ނުހިމެނޭތީ އާއި އެކަމުގެ އެސެސްމަންޓެއް ނުހެދޭތީއެވެ. މީގެ އިތުރުން، ރިވިއުއިން ދައްކާގޮތުގައި ހަކުރުގެ ބަދަލުގައި ބޭނުންކުރާ ތަކެތި ދިގު މުއްދަތަކަށް ބޭނުންކުރުމުން ”އެދެވިގެން ނުވާ އަސަރުތަކެއް“ ކުރުމުގެ ފުރުސަތު އެބައޮތެވެ. މިސާލަކަށް ޓައިޕް 2 ހަކުރުބައްޔާއި ހިތުގެ ބަލިތަކަށް ކުޑަކޮށް މަގުފަހިވުމުގެ ފުރުސަތު އިތުރުވުން ހިމެނެއެވެ. ނަމަވެސް، ”މި ލަފާ ދީފައިވަނީ ބޭނުންކުރުމުގެ ރައްކާތެރިކަމާ މެދު ބަހެއް ބުނުމަކަށް ނޫނެވެ،“ ބްރަންކާ ވިދާޅުވިއެވެ.