އެމެރިކާގެ ރައީސް ޑޮނަލްޑް ޓްރަމްޕް ވިދާޅުވީ ތިން ފެސިލިޓީއަކަށް އަމާޒުކޮށްގެން އެމެރިކާއިން ހަމަލާދިންތާ އެއް ދުވަސް ފަހުން ބައްދަލުވުމެއްގައި އީރާނުގެ ހުރިހާ ނިއުކްލިއާ ސައިޓަކަށް ބޮޑެތި ގެއްލުންތަކެއް ލިބިފައިވާ ކަމަށް ވިދާޅުވިއެވެ.
އޭނާ ފާހަގަކުރެއްވި ގޮތުގައި ”ނައްތާލުން“ އަކީ އީރާނުގެ ނިއުކްލިއާ ސައިޓްތަކަށް ދިމާވި ކަންތައްތައް ބަޔާންކުރުމަށް ބޭނުންކުރާ ޞައްޙަ ލަފުޒެއް ކަމަށާއި، އެ އަމާޒު ހާސިލް ކުރެވުނު ކަމަށެވެ.
އީރާނަށް މީގެ ކުރިން ނުފެންނަ ހަމަލާތަކުން އެގައުމުގެ ނިއުކްލިއާ ޕްރޮގްރާމް ހަލާކުވެފައިވާކަން ވޮޝިންޓަނުން އާދީއްތަ ދުވަހު ކަށަވަރުކޮށްދިންއިރު، އެމެރިކާގެ ޑިފެންސް ސެކްރެޓަރީ ޕީޓް ހެގްސެތު ވިދާޅުވީ ”އަހަރެމެން އީރާނުގެ ނިއުކްލިއާ ޕްރޮގްރާމް ނައްތާލައިފިން “ ކަމަށެވެ.
ޖޮއިންޓް ޗީފްސް އޮފް ސްޓާފްގެ ޗެއާމަން ޖެނެރަލް ޑޭން ކީން ވެސް ވިދާޅުވީ ”ފުރަތަމަ ތަހުލީލުތަކުން ދައްކާ ގޮތުގައި މި ތިން ތަނަށް ވެސް ބޮޑެތި ގެއްލުންތަކާއި ހަލާކުތަކެއް ލިބިފައިވާ ކަމަށެވެ.“
މިއާ ހިލާފަށް އީރާނުގެ ސެމީ އޮފިޝަލް ފާސް ނިއުސް އެޖެންސީން ހުކުރު ދުވަހު ރިޕޯޓްކުރި ގޮތުގައި އެމެރިކާ އާއި އިސްރާއީލުގެ ހަމަލާތަކުން އީރާނުގެ ނިއުކްލިއާ ސައިޓްތައް ހަލާކުވި ނަމަވެސް ”ކުޅިވަރު ނިމިފައެއް ނުވޭ“ ކަމަށް އީރާނުގެ ސުޕްރީމް ލީޑަރުގެ ލަފާދޭ އަލީ ޝަމްޚާނީ އިންޒާރު ދެއްވި އެވެ.
”މުއްސަނދި ކުރުމަށް ބޭނުންކުރާ ތަކެއްޗާއި، އަސްލު ޢިލްމާއި، ސިޔާސީ އިހުތިޔާރު ހަމަ އެގޮތުގައި ދެމިއޮންނާނެ، އަދި ހައިރާންކަންތައްތައް ދެމިއޮންނާނެ،“ ޝަމްޚާނީ ވިދާޅުވި އެވެ.
އެމެރިކާއިން ވަނީ ހުކުރު ދުވަހުގެ ހެނދުނުގެ ވަގުތެއްގައި ފޯޑޯ އާއި ނަތަންޒް އަދި އިސްފާހާންގެ ތިން ނިއުކްލިއާ ފެސިލިޓީއަކަށް އަމާޒުކޮށްގެން ހަމަލާތައް ދީފައެވެ. ޓްރަމްޕް ވަނީ އެ ހަމަލާތަކަކީ ”ކާމިޔާބު“ ހަމަލާތަކެއްގެ ގޮތުގައި ސިފަކުރައްވައި، ނިއުކްލިއާ ބޮމެއް އުފެއްދުމުގެ ގާބިލްކަން އީރާނަށް ނެއްކަމަށް ވިދާޅުވެފައެވެ. ތެހެރާނުން ވަނީ އެ ހަމަލާތައް ކުށްވެރިކޮށް، އެކަމަށް ރައްދު ދިނުމަށް ވައުދުވެފަ އެވެ.
”އޮޕަރޭޝަން މިޑްނައިޓް ހެމަރ“ ގެ ނަމުން ނަންދީފައިވާ އެމެރިކާގެ ހައިރާން ކުރުވަނިވި ހަމަލާ ދިނީ އީރާނުގެ ވައިގެ ދިފާއީ ބާރުތަކަށް ނުފެންނަ ހަތް ބީ-2 ސްޓެލްތު ބޮމްބަރު ބޭނުންކޮށްގެން ކަމަށް ވޮޝިންޓަނުން ބުނެ އެވެ.
ޔޫސުފް ޔޫޝަޢު