ޣައްޒާގެ ހޮސްޕިޓަލްތަކުން ރިޕޯޓްކޮށްފައިވާ ގޮތުގައި ބުދަ ދުވަހުގެ ފަތިސް ދުވަހުން ފެށިގެން އިސްރާއީލުން ޣައްޒާއަށް ފުޅާދާއިރާއެއްގައި ދިން ބޮމުގެ ހަމަލާތަކުގައި ފަލަސްތީނުގެ 32 މީހަކު މަރުވެފައިވާއިރު އޭގެ ތެރޭގައި އެހީ ލިބުނު 11 މީހުން ހިމެނެ އެވެ.
މެޑިކަލް މަސްދަރުތަކާއި ލޮލުން ފެނުނު މީހުން ބުނާ ގޮތުގައި އިސްރާއީލުން ހަމަލާތައް އަމާޒުކޮށްފައިވަނީ ގެދޮރާއި ގެދޮރު ގެއްލިފައިވާ މީހުން ދިރިއުޅޭ ޓެންޓްތަކާއި އާންމުން އެއްވެ އުޅޭ ތަންތަނަށެވެ.
އަލްއައުދާ އާއި އަލްއަގްސާ ޝަހީދުންގެ ހޮސްޕިޓަލްތަކުގެ މެޑިކަލް މަސްދަރުތަކުން ބުނީ މެދުތެރޭ ޣައްޒާގެ ނެޓްޒާރިމް ޖަންކްޝަން ކައިރީގައި އެހީ ހޯދުމަށް އިންތިޒާރު ކުރަމުން ދިޔަ އާންމުންނަށް އިސްރާއީލު ސިފައިން ހަމަލާދީ ފަލަސްތީނުގެ 11 މީހަކު މަރުވެ 100 އަށް ވުރެ ގިނަ މީހުން ޒަހަމްވެފައިވާ ކަމަށެވެ.
ޣައްޒާ ސިޓީގެ ޒައިޓޫން ސަރަހައްދުގައި ހުންނަ މަނަސްރާ އާއިލާގެ ގެއަށް އަމާޒުކޮށް ވައިގެ ހަމަލާއެއްގައި ކުޑަކުއްޖަކު ހިމެނޭ ގޮތަށް ފަލަސްތީނުގެ ތިން މީހަކު މަރުވެ، އެހެން މީހުންނަށް ވެސް އަނިޔާވެފައިވެ އެވެ.
ޣައްޒާގެ މެދުތެރޭގައި އޮންނަ މަޣާޒީ ރެފިއުޖީ ކޭމްޕްގައި އިސްރާއީލުން ވައިގެ މަގުން ގެއަކަށް ދިން ހަމަލާއެއްގައި ފަލަސްތީނުގެ 10 މީހަކު މަރުވެ އެތައް ބަޔަކު ޒަޚަމްވެފައިވެއެވެ.
ޣައްޒާގެ ދެކުނުގައި އޮންނަ ޚާން ޔޫނިސް ގައި އިސްރާއީލު ސިފައިން ވަނީ އަލް މަވާސީ ސަރަހައްދުގައި ގެދޮރު ގެއްލިފައިވާ މީހުން ދިރިއުޅޭ ދެ ޓެންޓަކަށް ބޮން ގޮއްވާލައި ކުޑަކުދިން ހިމެނޭ ގޮތަށް އަށް އާންމުން މަރާލާފަ އެވެ.
ފާއިތުވި ހަފްތާތަކުގައި އިސްރާއީލުން ވަނީ ޣައްޒާގައި އެހީއަށް އިންތިޒާރު ކުރަމުންދާ މީހުންނާ ދެކޮޅަށް އެތައް ޤަތުލުއާންމުތަކެއް ކޮށް، އޭގެ ނަތީޖާއެއްގެ ގޮތުން ދިހަވަރަކަށް މީހުން މަރުވެ، އެތައް ސަތޭކަ ބަޔަކު ޒަޚަމްވެފައެވެ.
އޮކްޓޯބަރު 7، 2023 އިން ފެށިގެން އެމެރިކާގެ ތާއީދާއެކު އިސްރާއީލުން ޣައްޒާގައި ދަނީ ޣައްޒާގައި ނަސްލު ނައްތާލުމާއި، ބަނޑުހައިހޫނުކަމާއި، ނައްތާލުމާއި، ގެދޮރު ދޫކޮށްލުން ފަދަ ނަސްލު ނައްތާލުމެވެ.
މި ނަސްލު ނައްތާލުމުގެ ސަބަބުން ގާތްގަނޑަކަށް 185،000 ފަލަސްތީނު މީހުން މަރުވެ ނުވަތަ ޒަޚަމްވެފައިވަނީ ގިނައީ ކުޑަކުދިންނާއި އަންހެނުން ކަމަށާއި 11،000 އަށް ވުރެ ގިނަ މީހުން ގެއްލިފައިވާ ކަމަށެވެ. ލައްކައެއްހާ މީހުން ގެދޮރު ދޫކޮށް ގޮސް، ބަނޑުހައިހޫނުކަމުގެ ސަބަބުން ކުޑަކުދިން ހިމެނޭ ގޮތަށް އެތައް ބައެއްގެ ފުރާނަ ގެއްލި، ފުޅާދާއިރާއެއްގައި ފަނާކުރަނިވި އެވެ
ޔޫސުފް ޔޫޝަޢު