2024 ވަނަ އަހަރު ނިމިގެން ދިޔައީ އެންމެ ގިނަ ފަތުރުވެރިން ދަތުރުކުރުމަށް ލޯބިކުރި މަންޒިލަކަށް މެލޭޝިޔާ ވެގެންނެވެ. މިކަން މިގޮތަށް މެދުވެރިވުމަށް އެޤައުމުގެ ޓޫރިޒަމް މިނިސްޓްރީން ކޮށްފައިވާ ބުރަ މަސައްކަތަކީ މިލަނޑުދަނޑި ހާޞިކުރެވުނު އެއްސަބަބެވެ. ޑިޕާޗާ ޓެކްސް ގެ ސަބަބުން ޓިކެޓްގެ އަގު ކުޑަވެ ، އެމަންޒިލަކަށް ގިނަފަތުރުވެރިންނަށް ޒިޔާރަތް ކުރުމަށް ފުރުޞަތު ތަކެއް ހުޅުވެއެވެ.
ދިވެހިރާއްޖޭގެ ޓޫރިޒަމް މިނިސްޓްރީ އާއި ސަރުކާރުން ރާއްޖެއަށް އަންނަ ޓޫރިސްޓުން އިތުރުކުރަން ކުރާ މަސައްކަތް
ދިވެހި ޓޫރިޒަމް ކުރިއެރުވުމަށް ކުރާ މަސައްކަތް ވަނީ ފަތުރުވެރިންނަށް ”ބަލާ“ އަކާއި ހަމަވެފައެވެ. ޑިޕާޗާ ޓެކްސް ގެ ގޮތުގައި ބޮލަކަށް 50 ޑޮލަރު ނަގާއިރު މީ މުޅި ދުނިޔޭގެ ފަތުރުވެރިކަމުގެ އިންޑަސްޓްރީ އެއް އޮންނަ އެއްވެސް ޤައުމަކުން ނަގާ ޓެކްސަކާއި އެއްވަރު ނުވަތަ ގާތްކުރާ މިންވަރެއްވެސް ނޫނެވެ. މެލޭޝިޔާގައި ފަތުރުވެރިން އަތުން ނަގަނީ އެކޮނޮމިކް ކްލާހުގައި ދަތުރު ކުރާނަމަ 1.93 ޑޮލަރެވެ. ބިޒްނަސް ކްލާހުގައި ނަމަ 12.08 ޑޮލަރެވެ.
ދިވެހިރާއްޖެއިން ޑިޕާޗާ ޓެކްސްގެ ގޮތުގައި 50 ޑޮލަރު ނަގަން ފެށުމުން ދުނިޔޭގެ އެންމެ ބޮޑު ޑިޕާޗާ ޓެކްސެއް ނަގާ ޤައުމުތަކުގެ ލިސްޓުގައި ދިވެހިރާއްޖެ ހިމެނުނީއެވެ. ސުވާލަކީ 2025 ގައި ސަރުކާރުން ޓޫރިސްޓުން ޒިޔާރަތް ކުރާ މިންވަރު އިތުރު ކުރުމަށް މަސައްކަތް ކުރާކަމުގައި ވިދާޅުވާއިރު ، ދުނިޔޭގެ އެންމެމަތީ ޑިޕާޗާ ޓެކްސް ( ފުރާއިރު ފަތުރުވެރިޔާ އަތުން ނަގާ ޓެކްސް ) ނަގާޤައުމަކަށް ހެދުމުން ”ބޯކޮށް“ ޓޫރިސްޓުން ރާއްޖެއަށް އަންނާނެކަމަށް ހީކުރެވެނީ ތޯއެވެ.
ޑިޕާޗާ ޓެކްސްގެ ގޮތުގައި ޗައިނާއިން 13 ޑޮލަރު ނަގާއިރު އިންޑޮނޭޝިޔާ އަދި ތައިލެންޑުން ނަގަނީ ގާތްގަނޑަކަށް 10 ޔޫއެސް ޑޮލަރެވެ. އިރާނުގައި 12.38 ޑޮލަރު ، މިސުރުގައި 26.21 ޑޮލަރު ކޮސްޓްރިކާ 23.36 ޑޮލަރު ، ކެނެޑާ ގައި 32 ޑޮލަރު ޑޮމެނިކަން ރިޕަބްލިކް ގައި 15.46 ޑޮލަރު ނަގާއިރު ހޮންޑޫރަސްގައި ނަގަނީ 29.14 ޑޮލަރެވެ. ހޮންގްކޮންގް ގައި 2.32 ޑޮލަރު ނަގާއިރު ފިލިޕީންސުން ޑިޕާޗާ ޓެކްސްގެ ގޮތުގައި ނަގަނީ 8.12 ޑޮލަރެވެ. ތުރުކީ އާއި ތޫނިޝީޔާގައި ޑިޕާޗާ ޓެކްސްގެ ގޮތުގައި ނަގަނީ 21 ޑޮލަރެވެ. ސްވިޑަން ގައި ނަގަނީ 29 ޑޮލަރެވެ. ސައުދީ އަރަބިއްޔާގައި ނަގަނީ 23 ޑަލަރެވެ. ބަންގްލަދޭސުން ނަގަނީ 5 ޑޮލަރެވެ.
50 ޑޮލަރު ނުވަތަ އެއަށްވުރެ މަތިން ޑިޕާޗާ ޓެކްސް ނަގާ ކަމަށް ލިސްޓް ކުރެވިފައިވަނީ 3 ޤައުމެކެވެ. އެއީ:
ދިވެހިރާއްޖެ 50 ޑޮލަރު
އޮސްޓްރޭލިޔާ 50 ޑޮލަރު ( އޮސްޓްރޭލިއަން 70 ޑޮލަރު)
މެކްސިކޯ 50 ޑޮލަރު ( މެކްސިކަން 1160 ޑޮލަރު )
މިލިސްޓްގައި އިނގިރޭސި ވިލާތާއި ލެބެނާން ނުހިމަނާ ވަނީ 50 ޑޮލަރަށްވުރެ ކުޑަކޮށް ޑިޕާޗާ ޓެކްސް އެކޮނޮމިކް ކްލާހުން ދަތުރު ކުރާ ފަތުރުވެރިންނަށް ދެއްކޭނެ މަގު އޮންނާތީއެވެ.
ފްރީ އިންޖިވިޖުއަލް ޓްރެވެލަރ ( އެފްއައިޓީ ) އަށް ދަތުރުކުރެވޭ ގޮތަށް އޮންނަ ދިވެހިރާއްޖޭގައި މިހާރު އިމުގާގެ ސަބަބުން ވަނީ އެ ޤަވައިދު ބަދަލުވެފައެވެ. އިމުގާ ރަނގަޅަށް ފުރިހަމަ ނުކުރެވިއްޖެ ނަމަ ފަތުރުވެރިޔާ ޑީޕޯޓް ކޮށްލުމަކީ ދިވެހިރާއްޖޭގައި އާއްމުކަމަކަށް ވެފައިވާއިރު 2021 ގެ ފަހުން މި އުނދަގުލެއް ފަތުރުވެރިންނަށް އަންނަނީ ފޯރަމުންނެވެ.
މެލޭޝިޔާ އަށް ދަރުކުރާ ފަތުރުވެރިން މެލޭޝިއަން އެރައިވަލް ކާޑް ރާއްޖޭގައި އިމުގައި ފުރިހަމަ ކުރާހެން ފުރިހަމަ ކުރަންޖެހެއެވެ. މެލޭޝިޔާގެ އެރައިވަލް ކާޑްގައި ހާހެއްހާ ސުވާލެއް ނޯވެއެވެ. ކުޅިކޮށް ކެވޭތޯއާއި ކިތައްމީހުނާއި އިނދެ ވަރިކޮށްފައިވޭތޯ މީކީ ފަތުވެރިޔާގެ ކިބައިން އަހަން ބޭނުން ސުވާލު ކަމަކަށް މެލޭޝިޔާގެ ސަރުކާރަކުން ނުދެކެއެވެ.
ދެ ފްލައިޓެ ދެމެދުގައި 8 ގަޑިއިރު އިންކަމަށް ވާނަމަ މެލޭޝިޔާގައި ރަށުތެރެއަށް އަރާލާ ޓްވިންޓަވަރު ބަލައިލުމުގެ ފުރުޞަތު ފަތުރުވެރިޔާއަށް ފަހިވެފައި އޮވެއެވެ. ދިވެހިރާއްޖެއަށް ޓްރާންސިޓް ފަތުރުވެރިން 24 ގަޑި އިރުގެ ވަގުތު ނެތްނަމަ 10 މިނިޓެން ހުރަސް ކުރެވޭ ބްރިޖްމަތިން މާލެ އައިސް ކޮންމެސްވެސް ގެސްޓްހައުސެއްގައި ނިދާލުމުގެ ފުރުޞަތެއް ނޯވެއެވެ. މާނައަކީ ގެސްޓްމީހާގެ އަތުން އާއްމު ރައްޔިތަކަށް 23 ގަޑިއިރު މަޑުކޮށްލާ ފަތުރުވެރިޔާގެ އަތުން އެއްވެސް އާމްދަނީއެއް ލިބޭނޭ ގޮތެއް ފަހިވެފައެއް ނޯވެއެވެ.
ޝިނާ