ބަންގްލަދޭޝްގެ ކުރީގެ ބޮޑުވަޒީރު ޝައިޚް ޙަސީނާ އަނބުރާ ގައުމަށް ގެނައުމަށްޓަކައި އިންޓަޕޯލްގެ އެހީތެރިކަން ހޯދާނެ ކަމަށް އެ ގައުމުގެ ވަގުތީ ސަރުކާރުން ބުނެފިއެވެ. މީގެ އިތުރުން، ޙަސީނާގެ ސަރުކާރުގައި ހިމެނުނު އަދި މިހާރު ފިލައިގެން އުޅޭ އެހެން ފަރާތްތައް ހޯދުމަށް ވެސް އިންޓަޕޯލްގެ އެހީތެރިކަން ހޯދާނެ ކަމަށް ސަރުކާރުން ހާމަކޮށްފައިވެއެވެ.
ވަގުތީ ސަރުކާރުގެ ލޯ އެފެއާޒް އެޑްވައިޒަރު އާސިފް ނަޒްރުލްއާ ހަވާލާދީ މީޑިއާތަކުން ރިޕޯޓުކޮށްފައިވާ ގޮތުގައި، ”ވަރަށް އަވަހަށް އިންޓަޕޯލް މެދުވެރިކޮށް ރެޑް ނޯޓިސް ނެރޭނެ. ދުނިޔޭގެ ކޮންމެ ތަނެއްގައި ފިލައިގެން ހިމާޔަތް ހޯދައިގެން ތިއްބަސް އަނބުރާ ގެނެސް ކޯޓުގައި ޖަވާބުދާރީ ކުރުވާނަން,“ އެވެ.
ޙަސީނާ މަގާމުން އިސްތިއުފާ ދިނުމަށް މަޖުބޫރުވި ހަމަނުޖެހުންތަކުގައި 700 އަށް ވުރެ ގިނަ މީހުން މަރުވެފައިވެއެވެ. މި ހަމަނުޖެހުންތަކުގެ ޒިންމާ ނަގަންޖެހޭނެ ކަމަށް ބެލެވޭ އެތައް ބަޔަކު ވަނީ ޙަސީނާގެ ވެރިކަން ވެއްޓުމާ އެކު ހައްޔަރުކޮށްފައެވެ.
މީހުން މެރުމާއި އިންސާނިއްޔަތާ ޚިލާފު އަމަލުތައް ހިންގުމުގެ ދައުވާ އިއްވުމަށް ޙަސީނާ ހާޒިރުވުމަށް އަންގާފައިވެއެވެ. އެކަމަނާ އެންމެ ފަހުން ފެނިފައިވަނީ ބޮޑުވަޒީރުގެ ގެކޮޅު ކައިރިއަށް މުޒާހަރާގެ ބައިވެރިން އެއްވާން ފެށުމާ އެކު ހެލިކޮޕްޓަރުގައި ފުރާވަޑައިގަންނަވަނިކޮށެވެ. އޭރު މީޑިއާތަކުން ރިޕޯޓުކޮށްފައިވާ ގޮތުގައި އެކަމަނާ ވަޑައިގެންފައިވަނީ އިންޑިއާއަށެވެ.
ބަންގްލަދޭޝް ސަރުކާރުގެ އޮފިޝަލުން ބުނާ ގޮތުގައި ރެޑް ނޯޓިހަކީ ބައިނަލްއަގުވާމީ ހައްޔަރުކުރުމުގެ އަމުރެއްގެ ބަދަލުގައި އެކްސްޓްރެޑިޝަން، ހަވާލުވުން ނުވަތަ އެއާ އެއްފަދަ ގާނޫނީ ފިޔަވަޅެއް އަޅަންދެން ފަރުދެއް ހޯދައި ވަގުތީ ގޮތުން ބަންދުކުރުމަށް ގާނޫނު ތަންފީޒުކުރާ ފަރާތްތަކަށް ދުނިޔޭގެ ފެންވަރުގައި އެދޭ އެދުމެކެވެ. އިންޓަޕޯލްގެ މެންބަރު ގައުމުތަކުން ރެޑް ނޯޓިސް ތަންފީޒުކުރަނީ އެ ގައުމުތަކުގެ ގާނޫނުތަކާ އެއްގޮތަށެވެ.
މީގެ އިތުރުން، ޙަސީނާ ހައްޔަރުކުރުމަށް ބަންގްލަދޭޝްގެ ކޯޓުން ވެސް މިދިޔަ މަހު ވަނީ އަމުރު ނެރެފައެވެ. އިންޓަނޭޝަނަލް ކްރައިމްސް ޓްރައިބިއުނަލް (އައިސީޓީ) އަކީ 1