މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ އާ ފިއުލް ފާމާއި ފިއުލް ހައިޑްރަންޓް ނެޓްވޯކް ރަސްމީކޮށް މިއަދު ބޭނުން ކުރަން ފަށައިފި އެވެ. ވެލާނާ އިންޓަނޭޝަނަލް އެއަރޕޯޓުގައި ބޭއްވުނު ރަސްމިއްޔާތުގައި މި މަޝްރޫޢު ފައްޓަވައިދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒެވެ.
އަލަށް ބޭނުންކުރަން ފެށި 45 މިލިއަން ލީޓަރުގެ ފިއުލް ފާމްގައި ތެޔޮ ރައްކާ ކުރުމަށް ތިން ޓޭންކް ހިމެނެއެވެ. މިހާރު އެއަރޕޯޓުގެ ފިއުލް ފާމްގެ ކެޕޭސިޓީއަކީ 15 މިލިއަން ލީޓަރު ކަމަށްވާއިރު، އާ ފިއުލް ޓޭންކުތަކާ އެކު، ފިއުލް ފާމް ކެޕޭސިޓީ 60 މިލިއަން ލީޓަރަށް އިތުރުވާނެ އެވެ.
އެމްއޭސީއެލްގެ މެނޭޖިން ޑިރެކްޓަރު އިބްރާހިމް މުހައްމަދު ޝަރީފު ވިދާޅުވި ގޮތުގައި، މި އާ ހައިޑްރަންޓް ނެޓްވޯކުގައި 8.4 ކިލޯ މީޓަރުގެ ލައިނުތައް ހިމެނެއެވެ. މި ނިޒާމުގެ ސަބަބުން ލޯންގް ހޯލް ފްލައިޓުތަކަށް ތެޔޮ އެޅުމަށް ހޭދަވާ ވަގުތު ގާތްގަނޑަކަށް އެއް ގަޑިއިރު ސަލާމަތްވާނެ ކަމަށް އޭނާ ވިދާޅުވިއެވެ.
”ހައިޑްރަންޓް ސިސްޓަމް ތައާރަފް ވުމުން ލޯންގް ހޯލް ފްލައިޓުތަކަށް ތެޔޮ އެޅުމަށް ހޭދަވާ ވަގުތު 45 މިނެޓާއި 1 ގަޑިއިރާ ދެމެދުގެ ވަގުތެއް ސަލާމަތް ކުރެވޭނެ،“ ޝަރީފު ވިދާޅުވިއެވެ. މީގެ ސަބަބުން ގްރައުންޑުގައި ބޯޓު އޮންނަ ވަގުތު ކުޑަވެ، އުދުހުމަށް ކުރާ ހަރަދު ދަށްވެ، ރާއްޖެއަށް އެއަރލައިންތައް އަންނަން އިތުރު ހިތްވަރެއް ލިބޭނެ ކަމަށްވެސް އޭނާ ފާހަގަކުރެއްވިއެވެ.
އާ ފިއުލް ހައިޑްރަންޓް ނެޓްވޯކާ އެކު ތެޔޮ އެޅުމުގެ މަސައްކަތް ތިން ގުނަ އަވަސްވާނެ ކަމަށް އެމްއޭސީއެލްއިން ބުނެފައިވެއެވެ. މިގޮތުން، ކުރިން ވައިޑް ބޮވައިޑް ބޮޑީ އެއަރކްރާފްޓަކަށް ތެޔޮ އެޅުމަށް ގަޑިއެއްހާ އިރު ހޭދަވާއިރު، އާ ނިޒާމާ އެކު އެކަމަށް ހޭދަވާނީ 15 ވަރަކަށް މިނެޓު ކަމަށް އެ ކުންފުނިން މަޢުލޫމާތު ދީފައިވެއެވެ.
މީގެ އިތުރުން، އާ ފިއުލް ފާމާ އެކު އެވްރެޖުކޮށް ދުވާލެއްގެ މައްޗަށް 1.5 މިލިއަން ލީޓަރު ދޫކުރެވޭނެ ގާބިލްކަން ލިބޭނެ ކަމަށާއި، ފިއުލް ފާމު ސަރަހައްދުގައި ތެޔޮ އުފުލާ ބޯޓުތައް ކައިރި ކުރުމަށް ހާއްސަ ފާލަމެއް ޤާއިމުކުރެވިފައިވާ ކަމަށްވެސް އެމް