ހުރިހާ ފުރިހަމަ ޙަމްދެއް ވެގެންވަނީ ދުނިޔެތަކުގެ ވެރިރަސްކަލާނގެ الله އަށެވެ. އަޅުގަނޑު ހެކިބަސްދެނީ الله ފިޔަވައި އަޅުކަން ކުރަންޖެހޭ އެއްވެސް ފަރާތެއް، މީހަކު ނެތްކަމަށާއި، މުޙައްމަދު ޞައްލަالله ޢަލައިހި ވަސައްލަމަ އަކީ އެކަލާނގެ އަޅު އަދި ރަސޫލާ ކަމުގައެވެ.
ފުރަތަމަ ރަސޫލުން ފެށިގެން އެންމެ ފަހު ރަސޫލާއާ ހަމައަށް ހުރިހާ ރަސޫލުންގެ ދީނަކީ އިސްލާމްދީނެވެ؛ އޭގެ މާނައަކީ الله ގެ އެއްކައުވަންތަކަމަށް އީމާންވެ ހުރިހާ އަޅުކަމެއް ހަމައެކަނި އެކަލާނގެއަށް ޚާއްޞަކުރުމެވެ. الله ތަޢާލާ ވަހީކުރައްވަނީ (މާނައަކީ: ހަމަކަށަވަރުން، ﷲގެ ޙަޟްރަތުގައި، ދީނަކީ، އިސްލާމް ދީނެވެ. އަދި، ފޮތް ލިބުނުމީހުން އެއުރެންނަށް (ޙައްޤު ގޮތް) އެނގުމަށްފަހުގައި މެނުވީ، އެއުރެން ޚިލާފު ވެއެއް ނުގަނެތެވެ. (އެއީ) އެއުރެންގެ މެދުގައިވާ ޙަސަދަވެރިކަމުގެ ގޮތުންނެވެ. ﷲގެ އާޔަތްތަކަށް ކާފިރުވާ މީހުން (ދަންނާށެވެ!) ފަހެ، ހަމަކަށަވަރުން، ﷲއީ، ޙިސާބު ބެއްލެވުން އަވަސްވެވޮޑިގެންވާ ރަސްކަލާނގެއެވެ. [ޤުރުއާން 3:19].)
ރަސޫލުން ތަފާތުވަނީ ހަމައެކަނި ޝަރީޢަތުގެ ތަފްޞީލުތަކާއި އެބައިމީހުންގެ ބައެއް ޙުކުމްތަކުގެ މައްޗަށެވެ. އަބޫ ޙުރައިރާ ރަޟިޔަالله ޢަލައިހި ވަސައްލަމަ ރިވާކުރައްވާފައިވާ ގޮތުގައި ރަސޫލާ ޞައްލަالله ޢަލައިހި ވަސައްލަމަ ޙަދީޘް ކުރައްވާފައި ވެއެވެ: “ނަބިއްޔުންނަކީ އަޚުންނެވެ. އެމީހުންގެ މައިން ތަފާތު ނަމަވެސް އެމީހުންގެ ދީނަކީ އެއް ދީނެއް.” [އަލްބުޚާރީ އާއި މުސްލިމް]
މުޙައްމަދު ރަސޫލާ ޞައްލަالله ޢަލައިހި ވަސައްލަމަގެ ރިސާލަތަކީ އެންމެ ފަހުގެ ރަސޫލާކަން އެއީ ޝައްކަކާއި ނުލާ ޔާޤީނަށްވެސް އެނގޭ ކަމެކެވެ. الله ތަޢާލާ ވަޙީކުރައްވަނީ- (މާނައަކީ): ތިޔަބައިމީހުންގެ ބޮޑެތި ފިރިހެނުންގެ ތެރެއިން އެކެއްގެވެސް ބަފައިކަލަކު ކަމުގައި މުޙައްމަދުގެފާނު ނުވެތެވެ. އެހެނެއްކަމަކު، (އެކަލޭގެފާނީ) ﷲގެ ރަސޫލާއެވެ. އަދި ނަބީކަން ޚަތިމު ކުރެއްވި ކަލޭގެފާނުވެސްމެއެވެ. އަދި ކޮންމެ ކަމެއްމެ މޮޅަށް ދެނެވޮޑިގެންވާ ކަލަކުކަމުގައި ﷲ ވޮޑިގެންވެއެވެ. [ޤުރުއާން 33:40]
މިކަމުގައި ސާފު ވިސްނުންތަކާއި ޙިކުމަތުގެ އަސާސްތައް އެބަހުއްޓެވެ. އޭގެ ތެރެއިން އެއް ޝަރީޢަތަކީ، ކުރީގެ ޝަރީޢަތްތަކާ ޚިލާފަށް، ބައެއް ޤައުމުތަކަށް ޚާއްޞަ ޝަރީޢަތްތަކާ ޚިލާފަށް، މި ޝަރީޢަތަކީ ހުރިހާ އިންސާނިއްޔަތަކަށް ޢާންމު ޝަރީޢަތެކެވެ. އެހެންކަމުން މި ޝަރީޢަތަކީ އެންމެ ފަހު ޝަރީޢަތަކަށާއި ހުރިހާ ޝަރީޢަތްތަކުގެ މުޞްޠަލަކަށް ވުމަށް އެންމެ އެކަށީގެންވާ ޝަރީޢަތެވެ.
ހަމައެފަދައިން މި ޝަރީޢަތަކީ ހުރިހާ ޝަރީޢަތްތަކުގެ ތެރެއިން އެންމެ ފުރިހަމަ ޝަރީޢަތް ކަމުން އެންމެ ފަހުގެ ޝަރީޢަތަށް ވުމަކީ ޙިކުމަތެކެވެ؛ ތަފާތު ހުރިހާ ވަގުތެއްގައި، ތަންތަނުގައި، އަދި ހުރިހާ ހާލަތެއްގައި އިންސާނުންގެ ބޭނުންތަކާއި މަސްލަހަތުތައް ފުރިހަމަވެ، ފުއްދައިދިނުމުގެ ސަބަބުންނެވެ.
އިތުރަށް ވިސްނައިފިނަމަ، މިނޫންވެސް އެތައް ވިސްނުންތަކެއް އަޅުގަނޑުމެންނަށް ލިބިގެންދާނެއެވެ.
އެންމެ ރަނގަޅަށް ދެނެވޮޑިގެންވަނީ الله އެވެ.