ދުނިޔޭގެ ޞިއްޙަތު ޖަމްޢިއްޔާ (ޑަބްލިޔުއެޗްއޯ) އިން އެމްޕޮކްސް އަނެއްކާވެސް މުޅި ދުނިޔެއަށް ނުރައްކަލެއް ކަމަށް ކަނޑައަޅާފައިވަނިކޮށް، ޕާކިސްތާނުން މި ބަލީގެ ފުރަތަމަ ކޭސް ފެނުނު ކަމަށް އެ ޤައުމުގެ ހެލްތު މިނިސްޓްރީން ހާމަކޮށްފިއެވެ. މިއީ ސްވިޑެނުން މި ބަލީގެ ކޭސްއެއް ފެނުނު ކަމަށް ރިޕޯޓުކުރިތާ އެންމެ ދުވަހެއްގެ ތެރޭގައި ހާމަކުރެވުނު ޚަބަރެކެވެ.
ޕާކިސްތާނުގެ ހެލްތު މިނިސްޓްރީން ނެރުނު ބަޔާނުގައި ބުނެފައިވަނީ، އެ ޤައުމުގައި ބަލި ޖެހިފައިވަނީ ގަލްފު ޤައުމަކުން އައި 34 އަހަރުގެ ފިރިހެނަކަށް ކަމަށެވެ. ނަމަވެސް، މިއީ އެމްޕޮކްސްގެ ކޮން ވައްތަރެއްކަން އަދި ހާމަކޮށްފައެއް ނުވެއެވެ.
ޑަބްލިޔުއެޗްއޯ އިން މިދިޔަ ބުދަ ދުވަހު ވަނީ ޑިމޮކްރެޓިކް ރިޕަބްލިކް އޮފް ކޮންގޯ އާއި އެފްރިކާ ސަރަހައްދުގެ އެހެން ބައެއް ޤައުމުތަކުގައި އެމްޕޮކްސް ފެތުރެމުންދާތީ، މިއީ ދުނިޔެއަށް ނުރައްކާވާ ހާލަތެއް ކަމުގައި ކަނޑައަޅާފައެވެ. ކޮންގޯގައި ފެތުރެމުންދަނީ ކްލޭޑް 1ބީ ސަބްކްލޭޑް ކަމަށާއި، މި ސްޓްރެއިން 2022 ވަނަ އަހަރުގެ ސެޕްޓެމްބަރު މަހުން ފެށިގެން ދަނީ ހަލުވިކަމާއެކު ފެތުރެމުންނެވެ. މިހާތަނަށް މި ބަލީގައި 548 މީހަކު މަރުވެފައިވާ ކަމަށް ވަނީ ރިޕޯޓުކޮށްފައެވެ.
އެމްޕޮކްސްގެ ނުރައްކާ ދުނިޔެއަށް އާންމުވެއްޖެ ކަމަށް ޑަބްލިޔުއެޗްއޯ އިން ކަނޑައެޅުމާ އެކު ގައުމުތަކުން އަންނަނީ ރައްކާތެރިކަމުގެ ފިޔަވަޅުތައް އަޅަމުންނެވެ. މެއި 2022 ގައި ދުނިޔޭގެ އެކި ހިސާބުތަކުން މި ބަލި ފެނުނު އިރު، އޭރު މި ބަލި ގިނައިން ޖެހެމުން ދިޔައީ އެއް ޖިންސުން ގުޅުން ހިންގާ ފިރިހެނުންނަށެވެ.
ދުނިޔޭގެ ޞިއްޙަތު ޖަމްޢިއްޔާ (ޑަބްލިޔުއެޗްއޯ) އިން އެމްޕޮކްސް އަނެއްކާވެސް މުޅި ދުނިޔެއަށް ނުރައްކަލެއް ކަމަށް ކަނޑައަޅާފައިވަނިކޮށް، ޕާކިސްތާނުން މި ބަލީގެ ފުރަތަމަ ކޭސް ފެނުނު ކަމަށް އެ ޤައުމުގެ ހެލްތު މިނިސްޓްރީން ހާމަކޮށްފިއެވެ. މިއީ ސްވިޑެނުން މި ބަލީގެ ކޭސްއެއް ފެނުނު ކަމަށް ރިޕޯޓުކުރިތާ އެންމެ ދުވަހެއްގެ ތެރޭގައި ހާމަކުރެވުނު ޚަބަރެކެވެ.
ޕާކިސްތާނުގެ ހެލްތު މިނިސްޓްރީން ނެރުނު ބަޔާނުގައި ބުނެފައިވަނީ، އެ ޤައުމުގައި ބަލި ޖެހިފައިވަނީ ގަލްފު ޤައުމަކުން އައި 34 އަހަރުގެ ފިރިހެނަކަށް ކަމަށެވެ. ނަމަވެސް، މިއީ އެމްޕޮކްސްގެ ކޮން ވައްތަރެއްކަން އަދި ހާމަކޮށްފައެއް ނުވެއެވެ.
ޑަބްލިޔުއެޗްއޯ އިން މިދިޔަ ބުދަ ދުވަހު ވަނީ ޑިމޮކްރެޓިކް ރިޕަބްލިކް އޮފް ކޮންގޯ އާއި އެފްރިކާ ސަރަހައްދުގެ އެހެން ބައެއް ޤައުމުތަކުގައި އެމްޕޮކްސް ފެތުރެމުންދާތީ، މިއީ ދުނިޔެއަށް ނުރައްކާވާ ހާލަތެއް ކަމުގައި ކަނޑައަޅާފައެވެ. ކޮންގޯގައި ފެތުރެމުންދަނީ ކްލޭޑް 1ބީ ސަބްކްލޭޑް ކަމަށާއި، މި ސްޓްރެއިން 2022 ވަނަ އަހަރުގެ ސެޕްޓެމްބަރު މަހުން ފެށިގެން ދަނީ ހަލުވިކަމާއެކު ފެތުރެމުންނެވެ. މިހާތަނަށް މި ބަލީގައި 548 މީހަކު މަރުވެފައިވާ ކަމަށް ވަނީ ރިޕޯޓުކޮށްފައެވެ.
އެމްޕޮކްސްގެ ނުރައްކާ ދުނިޔެއަށް އާންމުވެއްޖެ ކަމަށް ޑަބްލިޔުއެޗްއޯ އިން ކަނޑައެޅުމާ އެކު ގައުމުތަކުން އަންނަނީ ރައްކާތެރިކަމުގެ ފިޔަވަޅުތައް އަޅަމުންނެވެ. މެއި 2022 ގައި ދުނިޔޭގެ އެކި ހިސާބުތަކުން މި ބަލި ފެނުނު އިރު، އޭރު މި ބަލި ގިނައިން ޖެހެމުން ދިޔައީ އެއް ޖިންސުން ގުޅުން ހިންގާ ފިރިހެނުންނަށެވެ.